「洗牙」洗到中梅毒？性病之一種…..
內文係有位內地網紅醫生發布一條影片分享新奇病例，指有名27歲女博士，有做開身體檢查，身體一直都無問題，直到某日突然被通左自己染上性病[梅毒]。經了解後，原來佢最近去過洗牙，但間洗牙機構只係一間小診所。
片中醫生解釋，梅毒主要通過血液、母嬰、性傳播，經佢診斷後覺得女博士係「洗牙」先染上梅毒。但後期呢位網紅醫生嘅講法即時惹來同行質疑，指「因洗牙感染梅毒嘅可能性非常低」，仲補充唔少梅毒感染者都以為自己係因釘耳洞、紋眉、洗牙等行為而中招，實情都係因性傳播導致，無幾耐呢位網紅醫生就事件道歉。
梅毒係一種嚴重嘅性病，及早治療係可以醫好，但如果唔醫治，就可能造成唔同併發症，例如心臟病、精神病，甚至死亡。衛生署指出，梅毒係同患者性交時傳染得來，病菌係梅毒螺旋菌，潛伏期約九天至九十天，大部份病人係中招後二至四個星期就發病。
第一期梅毒
生殖器官會出現唔痛嘅潰瘍，男性好易察覺，女性則可能隱藏係陰道內，由醫生檢查先發現到。
第二期梅毒
係幾星期後，病菌會擴散全身，例如發燒、疲倦、唔痛唔痕嘅紅斑、淋巴結腫脹等病徵。即使唔理，病徵逐漸消失，就變成隱性梅毒 (即係驗血先知自己染有梅毒)。
末期梅毒
係幾年到幾十年後出現，病菌影響心臟血管及腦部，造成失明、各種殘瘴、精神病，甚至死亡。
先天性梅毒
由孕婦傳染係胎兒，引致胎兒有先天性梅毒既各種併發症，例如胎死腹中、失明、失聰等。
其實洗牙係無問題嘅，不過都要搵番啲合規格嘅診所。即使洗牙中梅毒嘅可能好低，但有任何懷疑都要及早睇醫生，同定期驗身，咁先確保自己身體健康。
#洗牙中梅毒 #梅毒好可怕 #定期驗身唔使怕 #網紅醫生 #性傳播
更多有關性病檢查計劃咨詢及評估：預約諮詢
性病檢查計劃HK$300-$2,350：預約諮詢
http://www.mhsclinic.com.hk/our-services/std-check-up/std-checkup-plans/
參考資料： hk01.com/article/865499